Այսօր՝ սեպտեմբերի 14-ին, հանրապետության առաջին դասարանցիները դպրոց գնացին։
Առաջին դասարանցիների համար պատշաճ ընդունելություն էր կազմակերպվել նաև Գորիս քաղաքի թիվ 2 հիմնական դպրոցում։ Covid 19-ով պայմանավորված, դպրոցում նախապես իրականացվել են հակավիրուսային անհրաժեշտ բոլոր միջոցառումները։
Տնօրեն Մարինե Շահգելդյանը, ողջունելով դպրոցի 48 «նորակոչիկներին», նրանց բարի երթ մաղթեց
լավագույն ավանդույթներով դպրոցի աշակերտների շարքերը համալրելու համար, նշելով, որ բազմավաստակ կոլեկտիվը հանրապետության համար դժվարին պայմաններում հաջողությամբ կկազմակերպի կրթության գործը։
Առաջին դասարանների ուսուցչուհիներ Նաիրա Գալստյանը և Ֆարիդա Կարապետյանը այբբենարաններ
հանձնեցին աշակերտներին։
