Մարիամ Մաթևոսյան
Գորիսի քաղաքապետարանում տեղի ունեցավ աշխատանքային հանդիպում «Համայնքի ընդգրկումը բիզնես միջավայրի զարգացմանը» թեմայով: Հանդիպումը կայացավ «Միջազգային հարաբերությունների մասին գիտելիքների ամրապնդում» (ՄԳՀԱ) ծրագրի շրջանակներում, որը ֆինասավորվում է Շվեցարիայի զարգացման և համագործակցության գործակալության կողմից:
Հանդիպմանը ներկա էին տարածաշրջանում զբոսաշրջային լուրջ հնարավորություններ ունեցող՝ Շինուհայրի, Հալիձորի, Տաթևի համայքնային իշխանության ներկայացուցիչներ, համայնքաբնակներ, հասարակական կազմակերպության ներկայացուցիչներ և այլք:ՄԳՀԱ ծրագրի շրջանակներում Հայաստանից շուրջ 180 մարդ վերապատրաստում է անցել ոչ միայն տեղում, այլև Վրաստանում և Շվեցարիայում: Վերապատրաստված անդամները ստեղծել են Շրջանավարտների հայաստանյան խորհուրդ, որը շուրջ յոթ տարի է, ինչ Հայաստանում իրականացնում է բազմաթիվ միջոցառումներ՝ ուղղված ՀՀ-ում ընթացող բարեփոխումներին: Ցանցում ընդգրկված են Հայստանի տարբեր գերատեսչություններում աշխատող իրավաբաններ, ֆիանսիստներ, տնտեսագետներ:
Այս անգամ խորհրդի անդամները որոշեցին իրենց փորձը ներկայացնել Սյունիքում, որը նպատակ ունի զարգացնել համայնքային իշխանությունների կարողությունները տեղական ինքնակառավարման, ենթակառուցվածքների զարգացման և բիզնես միջավայրի խթանման ոլորտում:
ՄԳՀԱ խորհրդի նախագահ Գայանե Հովակիմյանը, ողջունելով ներկաներին, խոսեց այցի կարևորության մասին. «Նպատակ ենք ունեցել մի հարթակ բերել այն մարդկանց, ովքեր շահագրգիռ են երկիրը զարգեցնելու. դրանք են համայնքային իշխանության ներկայացուցիչները, տարբեր բիզնես ծրագրերում ընդգրկված գործարարներ, նաև մադիկ, ովքեր հետաքրքրված են իրենց համայնքային խնդիրներով»,-ասաց նա:
Ելույթով հանդես եկան ՀՀ Տարածքային կառավարության նախարարության ներկայացուցիչ Լուսինե Հարությունյանը.նա հիմնականում խոսեց Քառամյա ծրագրի մասին, որպես համայնքի զարգացման հեռանկարի փաստաթուղթ և ներկայացարեց ՀՀ ՏԿՆ ներկա ծրագրերը:
Խորհրդի անդամ Զարուհի Հայրապետյանը ներկայացրեց բիզնես պլանի հակիրճ բովանդակությունը, խոսեց, թե ինչպես կարելի է տարածաշրջանում շահույթ հետապնդող բիզնես սկսել ու զարգացնել, իսկ հոգեբան Արշակ Գասպարյանի հետ միասին ներկաները ծանոթացան բիզնես միջավայրի հոգեբանության որոշակի առանձնահատկություններին: Հասմիկ Հովհանիսյանն էլ ներկայացրեց համայնքների զարգացման միջազգային պրակտիկայից օրինակները, որը կարող է աշխատել նաև Հայաստանում: ՀՀ կառավարության աշխատակազմի՝ մասնավորապես օրենսդրության կարգավորման ազգակին կենտրոնի ներկայացուցիչ Գեղամ Գևորգյանը, խոսեց կարգավորումների ազդեցությունը համայանքներում գործարար միջավայրի վրա:
Ելույթներով հանդես եկավ նաև Տաթևի վերածնունդ ծրագրի ՌՎՎԶ հիմանադրամի ներկայացուցիչը, ով խոսեց հիմնադրամի նոր ծրագրերի մասին:
