Գորիսում չկա մասնագիտացված խանութ, որտեղից կենդանասերները կարողանան տարբեր ցեղատեսակի, օրինակ, շուն գնել։ Ցանկացողները ձեռք են բերում մայրաքաղաքից։ Կենդանիներ վաճառող միակ խանութը Zoo Mimi է, որտեղ վաճառվում են թռչուններ, մողեսներ, ընտանի կենդանիներ:
Այցելողները, հիմնականում երեխաները կարող են այցելել և մասնակցել ցուցադրությանը․ վերջինս կազմակերպվում է անվճար։ «Մարդիկ հաճախ են գալիս այստեղ ձկների խաղը նայելով, հանգստացնում իրենց նյարդերը»,- ասում է խանութի աշխատակից Իրինա Օհանջանյանը, ով ասում է, որ շատ է սիրում կենդանիներ և կարողանում է նրանց հետ «զրուցել»։
Խանութում 30 տեսակի ձուկ է վաճառվում, դրանք իհարկե, հիմնականում դեկորատիվ են: Գնորդները նախընտրում են ոսկե ձկնիկ, ակուլա, դանիո, գուպի, լալիուս և սկալյար ձկներից, որոնք համեմատաբար ցածր գին ունեն՝ 250 ից մինչև 3 հազար դրամ: Խանութում ամսական վաճառվում է մոտ 20-30 ձուկ:
Աշխատակցի խոսքով, ձկներից բացի, պահանջարկ ունեն թութակների տարբեր տեսակներ: Գռամեռ թութակն ամենաթանկարժեքներից է: Գները սկսվում են 3-ից և հասնում մինչև 30 հազար դրամի: Հաճախորդների կողմից պահանջվող տեսակը Սոխակ անունով թութակն է, որին շատերը սիրում են իր երգի համար:
Քաղաքում չի գորրծում նաև անասնաբուժական կլինիկա, որտեղ կենդանասերները կարող են մասնագիտական խորհրդատվություն ստանալ։ Կենդանիների բուժումը հիմնականում սիրողական մակարդակով է իրականացվում կամ համայնքի անասնաբույժը, ով հիմնականում խոշոր և մանր եղջերավոր անասունների բուժական ծառայությամբ է զբաղված, ընդհանուր խորհուրդներ է տալիս:
Եվրոպական երկրներում հոկտեմբեր ամսին կազմակերպում են բազմաթիվ միջոցառումներ՝ ուղղված կենդանիների բարեկեցության մակարդակի բարձրացմանը, կենդանիների մասին օրենսդրության բարելավմանը:
Սույն հոդվածը հրապարակվել է ԵՄ ֆինանսական աջակցությամբ: Հոդվածը արտացոլում է հեղինակի կարծիքը և պարտադիր չէ, որ արտացոլի ԵՄ տեսակետը։
