Տեղ համայնքի Կոռնիձոր բնակավայրի բնակիչ Արամայիս Առաքելյանի չորս հա հողամասի կեսը Արցախյան 44-օրյա պատերազմից հետո մնացել է սահմանի մյուս կողմում, իսկ մյուս երկու հեկտարը՝ սահմանագծին։ Փաստաթղթերով իրեն պատկանող հողի ճակատագիրը դեռևս անորոշ է։
«Ռուսաստանից բերված 220 դրամանոց ցորենի սերմն է ցանած, բոլոր միջոցառումներն արված, փաստաթղթերով էլ իմն ա, բայց եկել, ասում են նրանցն ա։ Չգիտեմ վերջն ինչ է լինելու»,– ասում է Ա․ Առաքելյանը։ Անորոշ է նաև մնացած հողատարածքի ճակատագիրը, որն ընդամենը 200 մ հեռավորության վրա է գտնվում հակառակորդի հենակետից։ «Հիմա իմ մնացած վարելահողում պիտի աշխատանքներ տարվեն․ մկան դեղ դրվի, սրսկումներ արվեն․ մեկ–մեկ ռիսկի ենք դիմում, մոտիկանում ենք, բայց իրականում վտանգավոր իրավիճակ ա»,– ավելացնում է նա։
Հայտնի է, որ Քաշաթաղի (Լաչինի) շրջանի՝ Ադրբեջանի վերահսկողության տակ անցնելուց հետո Սյունիքի մարզի Տեղ համայնքի Կոռնիձոր բնակավայրը շուրջ 18 կմ սահման ունի Ադրբեջանի հետ։ Գյուղը երեք կողմից հայտնվել է ադրբեջանական սահմանագծում:
Ամբողջական հոդվածին կարող եք ծանոթանալ այստեղ։
Անահիտ Բաղդասարյան
Սույն հոդվածը հրապարակվել է ԵՄ ֆինանսական աջակցությամբ: Հոդվածը արտացոլում է հեղինակի կարծիքը և պարտադիր չէ, որ արտացոլի ԵՄ տեսակետը։
Լրագրող
